وسط كل اللي بيحصل في العالم ...
أزمات .. حروب .. فقر
لو قربنا أكتر من مشاكلنا .. وبصينا لأسرة على قدها
عندها ابن .. أو ابنه .. بيتجوز
وسط الأزمة العالمية .. وغلاء الأسعار تارة .. وانخفاضها المزعوم تارة أخرى
هتلاقي ان من الصعب جدا على الأسرة البسيطة دي ارضاء الابن اللي هيتجوز
وهي قليلة الحيلة .. تجيب منين .. حاجات الجهاز بالشيء الفلاني
واحنا في مصر ... وكل أب وأم نفسهم يجيبوا لولادهم حته من السما .. بس أغلب الأهال دول على قدهم
هنا يظهر الفارس الشجاع اللي يخلص الأسرة المصرية من همومها ... ويلبيلها احتياجاتها بأقل الأسعار
وبدرجات متفاوته من الجودة .. تناسب مختلف الطبقات
الفارس الهمام ده هو الصين
مفروشات .. ظادوات منزلية .. نجف .. سجاد ...... الخ
حتى الشبكة .. سمعت ان فيه شبكة صيني
والغريب ان الحاجات دي متنفعش حد غيرنا ..
يعني : الناس دي عملت دراسة عن احاتياجاتنا وأذواقنا وأنتجت لنا اللي احنا عايزينة .. مخصوص عشاننا
مثلاً : النجفة الصيني بحوالي 300 جنية .. أختها المصري بحوالي 1500 جنيه
محدش فكر ليه اللي جايه من الصين دي .. مع تكاليف النقل والشحن ورسوم الاستيرد والتصدير والجمارك
ليه مع كل ده أرخص ؟؟؟؟
شاحن نوكيا الصيني من العتبة بحوالي 3 جنيه ... واحد مرة قال :"ده مش تمن الورقة والبلاستيك الملفوف فيه"
وده مش معانا بس .. لأ دول درسوا دول كتير وعملولها اللي محتاجاله .. مخصوص .. وبأرخص الأسعار
المهم هنا ان الصين فادت واستفادت ....
وقدرت تكون الجواد الرابح بعد الأزمة المالية العالمية
والعروسة اللي كل الدول بتحاول دلوقتي تخطب ودها .. وتنول رضاها
في الآخر كل الأسر المصرية البسيطة بتقول في سرها ... " ربنا يخليلنا الصين "
السبت يناير 24, 2009 5:25 am
