السلام عليكم ورحمة الله وبركاتة
نفضل نقول ننمى قدرات ومهارات الطفل علشان يكون عندنا احمد زويل تانى وشعراوى تانى
موهبة ايه وتنمية ايه والتعليم هنا بيقتل أى موهبة عمدا ومع سبق الاصرار والترصد
<< افتكروا معايا حصص العلوم بالمدارس المفروض بقى ان المادة دى يلزمها تجارب علمية يطبقها
التلميذ بمساعدة المعلم ولا معامل ولا تجارب احفظ واكتب فى الامتحان
<<حصص التربية الدينيه لان المادة لا تحسب فى المجموع نلاقى تهاون من الطالب فى حفظ
القرءان او الاهتمام حتى من المعلم بتفسير معانيه
<< حصص الرسم المدرس يخرج ويسيب الطلبه ياكلو ويلعبو ويهزرو اللهم الا بعض المعلمين
الى بيجمع الكراسات مره او مرتين فى السنه ويصححها دون تعليق على اى موضوع او رسمه كويسة
<<حصص الالعاب حدث ولا حرج يجمع الطلبة فى الحوش ويجيب كرسى وفى ايدة العصاية
ويتمتع باشعة الشمس لحد ما العيال دماغهم تسيح من الشمس ويروحو بقى هلكانيين
<<حتى حصص الاقتصاد المنزلى ياربى مربى الجزر ولا شيىء غيرها لكل الاجيال وفى الاخر
المدرسيين هما الى ياكلوها
بالله عليكم مش ده التعليم هنا بمصر
نستثنى طبعا بعض المدارس الخاصه ومدارس اللغات الى بتاخد الاف الجنيهات شهريا مقابل
تعليم مميز لطبقه مميزه طبعا اما الاغلبية فى مصر دا نظامهم فى التعليم
الجمعة يناير 30, 2009 11:12 pm
