الحب عن طريق النت

لاخواتى لاخوانى اريد ان أعرف ارائكم ::
هل يوجد حب عن طريق النت ؟ هل هو حب حقيقى أو حب وهمى ؟
اريد ان اعرف لاجاباتكم بكل صراحة :::

انا شايف ان النت زى اى مكان تانى طالما الناس بيتلاقوا فيه زى ارض الواقع وبيقدروا يتواصلوا مع بعض ممكن يحصل حب من خلال النت لكن لو الحب ده فضل على النت فترة طويلة ومتاخدش فيه خطوة ايجابية بين الطرفين بسهولة ممكن ينتهى ويبقى ذكرى

السلام عليكم

مش عارف بس اعتقد ان النت دا غموض
والانسان اللى بيفشل فى تحقيقه هدفه فى ارض الواقع او اثبات ذاتة
ممكن يلجأ للنت علشان كدة مش كتير بعترف بعلاقة حب ع النت
اعتقد من وجهة نظرى بتكون غير سوية
لكن لكل شئ مميزات وعيوب
لكن من وجهة نظرى الشخصية علاقة النت ان لم تكن صداقة غالبا ما تدوم
شكرا على الموضوع الرائع
تقبلى مرورى

السلام عليكم ورحمة الله وبركاته
انا شايفة مافيش حاجة اسمها حب حقيقى عن طريق النت لانه ما ينفعش احكم ع انسان وكمان اققر اكمل باقى حياتى معاه وحاجات كتير كل ده من خلال شوية حروف مكتوبة جانب بعض ولو فرضنا ان ف ناس مش بتعرف تعبر عن نفسها بالكلام ولو فرضنا ناس تانين بيعرفوا يتكلموا كويس
المهم ف الاخير بيكون حب وهمى او تعود او حد محتاج يحس بالاهتمام او اى شىء تانى بس مش حب حقيقى
وشكرا

هذا الموضوع جد خطير
واشكرك على الطرح الرائع اخى العزيز
الموضوع ده المفروض يتعمل فيه رسايل ماجستير ودكتوراة فى كليات اداب علم نفس واجتماع
هذه ظاهرة مجتمعية
وبصفتى مستخدم نت اقدر اقول لك
ان النت بيسهل الحب
هقول لحضرتك مثلا
فى بنت معينة اسمها س انت عارفها كويس اوى وهيا زميلتك او جارتك مثلا وانت عمرك ما حسيت ناحيتها بحاجة او انك مش طايقها
لو انا جبتلك ايميل البنت دى وكلمتك شهور وايام وانت مش عارف انها فلانية اللى انت عارفها من السهل جدا انك تحبها
النت بيسهل حب مستحيل على ارض الواقع
النت بيسهل الخطأ عن ارض الواقع
النت ممكن يخليك تقول كلام مستحيل تقوله على ارض الواقع
النت بيسهل ليك الفاحشة والنظرة الحرام التى تصعب عليك فى ارض الواقع
لا يوجد شىء اسمة الحب على النت
يوجد على النت شىء واحد اسمه تعارف وفقط
اما لو تحول هذا التعارف الى حب او قريب من ذلك . فانه يجب على الطرفين ان ينزلو ارض الواقع بسرعه كبيرة حتى لا تستمر بينهما علاقة مزيفة تدوم اثارها السلبية فى المستقبل بمعنى
انك ممكن تحب واحدة على النت ولو استمريت فى حبها على النت شهور مثلا ونزلت ارض الواقع معاها بعد شهور تجد نفسك امام فجوة توقعات . انت كنت تحلم وتتوقع شىء ولقيت شىء اخر . فالنتيجة اما انك هتنسحب من هذه العلاقة او انك تستمر حفاظا على ماضيك
انت ممكن تحب واحدة على النت فمن السهل انها تقولك انا بحب وكلام حب وغرام فتنزل تقابلها على الواقع مش هتلاقى منها لا كلمات حب وهيام وغرام لانه يصعب قول هذه الكلمات فى ارض الواقع . ومن ثم ستجد نفسك امام ما يسمى بفجوة التوقعات
وفى النهاية اقول لحضراتكم ان النت يفيد الحب وينميه فى حالة واحدة اذا اتى النت كمرحلة تانية من الواقع . بمعنى انك قابلت واحدة اتعرفت عليها حبيتها قررت انك ترتبط بيها ومن ثم لو اخدت ايملها وكلمتها على النت ستجد ان النت قدم لك خدمة وليس خدعة فى انه سينمى هذا الحب بينكم ويسهل تواصلكم ويرطب قولكم وكلماتكم ويحرك احلامكم
اما لو اتى النت كمرحلة اولى قبل الواقع فان حب النت سيصبح حب مخادع من خلف الاسوار .
سيدى الفاضل ان جلسة الانسان تؤثر على حبه وان الهواء يؤثر على الحب وان الجو والمكان يؤثر على الحب .
حب النت حب بدون تكلفة . حب مجانى . وباتالى هو حب سهل
لكن حب الواقع حب بتكلفة . وحب غير مجانى . وباتالى هو حب صعب
لكن فى نفس الوقت ما يأتى بصعوبة يضيع بصعوبة وما ياتى بسهوله يضيع بسهولة
وملخص القول . لا يوجد هناك حب حقيقى على النت .
الحب الحقيقى لا يوجد الا فى واقع حقيقى
والنت واقع افتراضى
وللحديث بقية والحديث فى هذا المجال فياض وحساس وملىء بالاحداث
ولكم الشكر جميعا اعضاء المنتدى الكريم
واسف على الاطالة . الموضوع استفز يدى . فغضب قلبى . فاراد عقلى ان ينتصر لهما فأمرنى بكتابة هذا الرد

ابو سعد
هو دا الرد الجااااااااااااااااااامد
كلامك ممتاز
وتنسيقك للحوار جيد جدا
انا فعلا بضم صوتى لصوتك
كلامك دا الخلاصة ودا من الاخر
تسلم ايدك على المجهود الفردي

وهذه بعض الكلمات التى خطرت على بالى لك فتقبلها منى

كلام من جواك بخلاصة تعب سنين
على طبق من ذهب لكل الحاضرين
دا كلام موزون وكمان دا رزين
وبيفيد الناس المحتارين
يا ابو عقل وفكر وكمان تعليم
كلنا لمواضيعك منتظرين

ارجو ان اكون اوفيتك حقك

السلام عليكم ورحمة الله وبركاته
انا بقى احب اقولكوا رأيي
انا طبعا ما بشجعش الحب عل النت بس بردو عايزة اقول حاجة الحب ولا ليه زمان ولا ليه مكان دي بتبقى مشاعر بين شخصين ومحدش بيقبى ليه ايد فيها بس ده طبعا بالنسبة للحب الحقيقي مش الحب اللي مبني على الشهوات والغرائز وبعدين مفيش مانع ان اتنين يتعرفوا على بعض عن طريق النت ولو حسو بمشاعر بينهم هما الاتنين بياخدو الخطوة التانية وهي النزول لارض الواقع زي ما الاخ الكريم تكرم وقال لكن هو بيبقى وسيلو سهلة للبحث عن فتى احلامك لو انت ماكنتش لقيه في ارض الواقع ده رأيي الشخصي بس خلي بالكوا كلامي ده بالنسبة للحب اللي مبني على الصراحة والوضوح مش الكذب والخداع.
[ندعوك للتسجيل في المنتدى أو التعريف بنفسك لمعاينة هذه الصورة]

السلام عليكم ورحمة الله وبركاته
اقولكم انا رأيي بقى
انا شايفة ان الحب ولا ليه مكان ولا زمان لان الحب ده عبارة عن مشاعر الانسان ليس له اي دخل بها والنت هو طريقة للتعارف بين الشباب ولكن ليس طريقة للحب لكن ممكن يكون سبب في الحب ده وبتبدئ بأرتياح بين الطرفين وتعود وفإذا حدث ذلك لابد من اتخاذ خطوة اجابيه كما تكرم الخ الفاضل بالقول لان إذا استمر هذا الحب عبر النت فقط فلن يستمر
[ندعوك للتسجيل في المنتدى أو التعريف بنفسك لمعاينة هذه الصورة]

شكرا للاعضاء الطيبين الكرام
شكرا حبيبى نصر على الكلام ده
انا مش قدد الكلام ده ياريسنا
انا تلميذ فى مدرسة معاليك
وما تحدثته هو جزء من دروسك
وحشنى اوى يمعلم
عاوز العبك ماتش فيفة . من يومك واحنا مش لاقين حد ينسق
عاوزين نتعشى ياريس
ههههههههههههههه

ههههههههههههههههههههههه

يخربيت جنانك
ما تهدى بقى يابنى وتنسى الفيفا بقى

وع العموم يا ابو سعد دا اقل واجب فى حقك
وانت واحشنى اكتر يا مان
عاوزك معايا بقى

» الفرق بين الحب ,,, والرومانسيــه ....
» الحب الاول هل هو وهم ام حقيقه؟
» دروس فى الحب
» أعراض داء الحب
» الحب من طرف واحد